Шанса за ракометарките, Македонија домаќин на квалификацискиот турнир
Женската ракометна репрезентација на Македонија доби неочекуван подарок од Грција и ќе биде домаќин на квлаификацискиот турнир за СП 2021 година.
Македонија се наоѓа во квалификациската група 3 за баражот за СП 2021 година заедно со уште Исланд, Грција и Литванија, а првично беше одлучено домаќин да биде Грција, но нашиот јужен сосед се откажа и РФМ прифати да ја презеде организацијата.
Со ова се зголемуваат шансите ракометарките да ја поминат групата и да обезбедат пласман во баражот за СП 2021.
Натпреварите треба да се играат од 4. до 6. декември, но РФМ се уште не го одреди градот во кој ќе игра овој квалификациски турнир. Според распоредот на 4 декември првиот натпревар ракометарките ќе играат ќе биде против Исланд, а потоа во следните два дена ќе игра и и со Литванија и со Грција.
Пласман во баражот ќе обезбедат двете најдобри репрезентации во групата.