Шампионски брејк на „металците“ – Слободен печат
КошаркаСпорт

Шампионски брејк на „металците“

МЗТ Скопје е на само еден чекор од освојување на шампионската титула откако славеше и во вториот финален дуел со Работнички и тоа во СЦ „Борис Трајковски“.

МЗТ Скопје е на само една победа од освојување на седмата титула во домашниот шампионат, откако и во вториот финален натпревар го победи Работнички. „Металците“ како гости славеа со 60:69 и поведоа со 2:0 во победи во серијата кој прв до три триумфи.

Иако домашните кошаркари агресивно влегоа во натпреварот со цел да се извадат за понижувачкиот пораз од првиот натпревар, амбициите уште на самиот старт претрпеа тежок удар. Во првата минута се повреди Димитар Караџовски и со повредата на Димитар Мираковски од првиот натпревар, тренерот Марин Докузовски остана без доволно квалитетни бекови со кои би им се спротивставил на „металците“.

Победникот беше одлучен во последната четвртина во која „мелтаците“ не му дозволија на тимот од Градски Парк дури пет минути да постигне поени и негативата од 54:50 со серија од 12:0 во која Дамјан Стојановски постигна осум поени, поведоа со 62:54 и рутински го финишираа натпреварот.
Токму Стојановски со 16 поени и 10 скокови беше најдобар кај МЗТ Скопје, додека кај десеткуваниот Работнички, најрасположен за игра беше Чавдар Костов со 19 поени.

Избраниците на Ѓорѓи Кочов в четврток ја имаат првата од трите можни меч топки кои би им ја донела седмата титула во клупската историја.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close