Шампионот на СЕХА почнува против Пекинг Универзитет, Еурофарм игра со Спартак – Слободен печат
РакометСпорт

Шампионот на СЕХА почнува против Пекинг Универзитет, Еурофарм игра со Спартак

Познат распоредот на натпревари во регионалното ракометно натпреварување, а македонските екипи стартуваат на домашен терен.

Актуелниот шампион на СЕХА лигата, Вардар новата сезона ќе ја започне на домашен терен со новиот член во лигата, Пекинг Универзитет. Вториот македонски претставник во регионалното натпреварување, Еурофарм Работник, дебитантскиот настап исто така ќе го има пред своите гледачи и тоа се новиот член во лигата, Спартак Москва.

Челниците на СЕХА само еден ден откако ја исфлија Татабања и нејзиното место го зазеде рускиот тим, денеска го објави комплетниот распоред на натпреварите. Освен промената на унгарскиот тим со Спартак Москва, новитет од оваа сезона е и тоа што екипите ќе бидат поделени во две групи.

Во групата А покрај Вардар и Пекинг Универзитет, во првото коло ќе се сретнат и Татран Прешов – Мотор Запорожје, односно Војводина – Нексе.
Во групата Б, Металопластика го пречекува ППД Загреб, додека Мешков Брест игра против Веспрем.

Стартот на новата сезона е закажан на 3 и 4 септември кога ќе се одиграат натпреварите од првото коло, а по завршувањето на групната фаза првопласираните екипи ќе обезбедат директен пласман во четвртфинлето, додека останатите ќе ќе разигруваат во плеј-офот. Во четвртфиналето предноста домашниот меч да биде во реваншот го имаат екипите кои ги освоија првите места во своите групи.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close