Шампионот МЗТ се израмни со Гостивар на првото место во Првата лига
По победата над дебитантот Чаир 2030 (106:61), МЗТ Скопје Аеродром има ист број на бодови како и Гостивар, но и подобар кош-количник во Првата македонска лига.
Во првата четвртина играчите на Александар Петровиќ поведоа со 30:21, а до полувремето тоа водство беше удвоено (53:32).
Не застанаа „сино-белите“ ниту во продолжението од играта. Во ист стил ја одработија и третата четвртина, ја добија со најубедливи 29:11, па онаа последната се претвори, реално, во еден посилен тренинг за новиот ко-лидер на табелата.
Робев се издвои со 21 поен, Мекиќ запиша 16, а кај чаирчани Френклин финишираше со 23 поени, додека Бунч со 22.
Прва лига
Резултати и двојки, седмо коло
МЗТ Скопје Аеродром – Чаир 2030 106:61
Навико Академија ФМП – ТФТ 66:109
Кожув – Феникс 2010 97:89
Струмица 2022 – Работнички 84:92
Куманово 2009 – Гостивар 82:70
1 декември (четврток) –
18.00 часот Еуро Никел 2005 – Пелистер
Табела: МЗТ Скопје Аеродром 13 бодови, Гостивар 13, ТФТ 11, Феникс 2010 11, Пелистер 11 (-1), Еуро Никел 2005 10 (-1), Работнички 10, Кожув 10, Куманово 2009 9, Чаир 2030 9, Струмица 2022 8, Навико Академија ФМП 8.