Шампион на Ролан Гарос во дубл работи во маркет за 450 евра
Шампионот на грен слем турнирот кој се игра на земја, Германецот Кевин Кравијец е принуден поради паузата предизвиката од пандемијата на коронавирусот да работи и друга работа.
Според „Шпигл“, Кравијец кој пред неполна година во Париз заедно со Андреас Миес, бил принуден да побара и друга работа па се запослил во маркет.
Огромен број на тенисери и тенисерки, посебно тие што се под 150 место на АТП и ВТА ранг листите по прекинот на сезота, имаат голем финансиски проблеми ипоради тоа се принудени да работат и други работи за да си ги плаќаат сметките.
Токму поради тоа и Кевин Кравијец мораше да најде друга работа додека нема тениски активност.
– Имав среќа што своето хоби, тенисот го претворам во професија од која живеам. Како професионалец, сега имам посебна дозвола да тренирам во сала каде одам три-четири пати неделно. Во последните неколку недели работам во супермаркет за основна плата од 450 евра – вели Кравијец кој притоа како изгледа кога тенискиот рекет ќе се замени со друга професија.
– Веќе одреден период планирав да си најдам нормална работа. Пандемијата на коронавирусот ми даде простор и време за да го остварам својот план и желба. Некои колеги доаѓаат на работа во пет часот наутро за да можат за половина час да ги наполнат рафтовите со роба. Моето задолжение е да го полнам рафтовите со роба. Се обидувам рафтовите со колбасиците и сирењето постојано да бидат полни. Минатата недела работев како обезбедување пред влезот, ги прскав излозите и количките со средства за дезинфекција.