Шалом: Бугарските политичари да не си поигруваат со страдањата на Евреите за политички поени

Румен Петков / Фото: МИА

Еврејската организација на Бугарија „Шалом” издаде декларација против Румен Петков, лидерот на АБВ, за која се смета дека е проруска партија, јави дописникот на МИА од Софија.

Причина за тоа беше што Петков се појави во ТВ емисија со жолт беџ на кој пишуваше „невакциниран”.

Според организацијата „Шалом”, тоа е потсетување на жолтите ѕвезди кои Евреите биле принудени да ги носат за време на Втората светска војна.

Во декларацијата се наведува дека е срамно за бугарски политичар и поранешен министер да користи симболи од периодот на Холокаустот за да ги зајакне своите тврдења и тези.

Секоја неумесна споредба на сегашноста со тешките години на војната ги омаловажува страдањата кои ги претрпеа жртвите на Холокаустот. „Шалом” ги повика бугарските политичари и јавни личности да ги одмерат и земат предвид своите зборови и постапки кога говорат за мрачните години од периодот на Втората светска војна.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот