Кадрите кои произлегуваат од стручните училишта се иднината, тоа го бара пазарот на трудот и овозможува веројатност за поголеми успеси, рече Министерот за образование Јетон Шаќири при денешната посета на Регионалниот центар за стручно образование и обука „Моша Пијаде“ во Тетово.

Во пресрет на престојните уписи, тој упати повик учениците да се запишуваат на стручните насоки.

Младите да се фокусираат на стручните насоки, каде преку дуалното образование ќе имаат можност да се стекнат со вештини, а по завршувањето на училиштето да бидат подготвени и конкурентни на пазарот на трудот.

„Моша Пијаде се трансформираше во Регионален центар за стручно образование и тој е еден од трите вакви центри во Македонија кои понудија 8 нови квалификации кои компанииите ги бараат. Познато е дека младите тука учат дуално образование, односно младите тука учат преку работа, што значи нивна добра подготовка коиќе ги направат конкурентни затоа апелирам младите да се фокусираат А ние учениците ќе ги поддржиме со стипендии за тие што се запишуваат во стручните смерови“, рече Министерот Шаќири.

Регионалниот центар „Моша Пијаде“ во Тетово е дел од концептот за дуално образование, но тој не нуди соодветни услови тоа да се реализира. Министерот вети дека училиштето ќе се реконструира и ќе се опреми.

„Ова училиште ќе се реновира и има одобрен и подготвен проект, како и комплетна документација. Очекувам во текот на 2024 година целосно да се реконструира ова училиште и да се набави опрема за да има практична настава, дополни Шаќири.