19.8 C
Скопје

Шаќири за СП: Со поддршка од ЕУ, ќе развиеме нацрт-политики за намалување на бројот на вработени во државната администрација

Министерството за информатичко општество и администрација, во наредниот период, со поддршка од ЕУ, ќе развие нацрт-политики за намалување на бројот на вработени во јавниот сектор или државната администрација, изјави за Слободен печат, министерот за информатичко општество и администрација, Јетон Шаќири.

– Намалувањето ќе се изврши во одделни фази во период од неколку години, каде што ќе се регулираат начинот и критериумите, сè со цел да се воспостави способна и професионална администрација. Со законот за работа и организација на органите на државната управа, Министерството за информатичко општество и администрација е надлежно за правно регулирање на прашања поврзани со администрацијата, надзорот и обезбедувањето униформно спроведување на регулативите поврзани со државните и јавните службеници. Законот за вработените во јавниот сектор ги регулира општите принципи, класификација на работни места, регистри, видови на вработување, општи права, должности и одговорности, мобилност и други општи прашања за вработените во јавниот сектор – потенцира министерот Шаќири.

Тој нагласува дека Министерството за информатичко општество и администрација, како тело одговорно за правно регулирање на прашања поврзани со администрацијата, земајќи ги предвид принципите на СИГМА, го регулира прашањето за вработување и унапредување на административниот персонал врз основа на перформансите.

– Во минатото, МИОА работеше на Закони за административни вработени и Закони за нови вработени во јавниот сектор, во кои принципот на избор на најдобар кандидат врз основа на успешноста ќе се применува во целиот јавен сектор – подвлекува Шаќири.

Поврзани вести

Лукаревска: Наша единствена алтернатива е ЕУ

Слободен печат

Пукотница во Старата скопска чаршија

Слободен печат

Филипче од Штип: Покажавме дека за нас зборот е збор, го имаме најдоброто за секоја општина

Слободен печат

Ексцентричен тајкун, креатор на најпознатата антивирусна програма, пронајден мртов неколку часа по одлуката за екстрадиција

Слободен печат

Заев тврди дека не разговарал со Ахмети за промена на знамето, грбот и химната

Слободен печат

Заев за новите проекти: Се воведува еколошка такса, ќе се инвестира во обновливи извори

Слободен печат

Остави Коментар