Шакира сподели видео-упатство како се игра латински танц и го „урна“ Инстаграм (ВИДЕО)
После огромниот успех на Супербол, пејачката сподели водич со кој ги учи своите фанови на чекорите на латинскиот танц. Видеото веднаш стана хит.
Сензуален, секси, ангажиран, таков е латинскиот танц. А, таков беше и настапот на Шакира на полувремено на Супербол.
Колумбиската пејачка ја воодушеви публиката со движењето на колковите на нотите на нејзините најпознати хитови. Ќе се согласите, нели, Шакира не е само глас и музика, туку и танц и енергија.
За да ги израдува фановите, ѕвездата на својот профил на Инстаграм објави упатство за изведување на латински танц, поточно на традиционалниот колумбиски танц, со кој, всушност, се претстави на Супербол.
Со асистентка – експерт за латински танц, односно кампета, пејачката покажува, чекор по чекор, како треба да се движи телото следејќи ја музиката. Лекција број еден: танцувајте со врвовите на прстите. Потоа следува движење со колковите, скокнете и координирајте се со помош на рацете. Не е лесно, се разбира. А и после една минута танц, ќе го загубите здивот. Но, Шакира уверува: „Многу е возбудливо“.
Видеото москавично брзо го заобиколи светот и резултираше со 6,3 милиони прегледи. До тој степен е голема посетеноста што музичката дива објави уште едно видео:
„Режисери, продуценти, сниматели … сите учат да танцуваат кампета!“. И оваа објава собира дури 2,1 милиони прегледи.