На својот инстаграм-профил, каде што ја следат 68 милиони фанови, Шакира постави фотографија во костим за капење, со која покажа дека е во топ форма.

„Ова е костим за капење кој сама го дизајнирав, а мојот пријател Бего го направи за мене“, се пофали пејачката со ефектниот костим со реси во светловиолетова боја.

43-годишната Колумбијка позната е по своите облини и витката фигура која ја одржува со напорните танц-тренинзи во кои подеднакво и ужива.

Колумбијката која се одмара на Малдивите во рекордно време доби дури 4 милиони лајкови, а не изостанаа ни комплиментите.

„Шакира е навистина сконцентрирана на интензитетот на своите тренинзи – сила, кардио, издржливост, флексибилност. Секогаш во танцот додава некои движења со колковите. Иако таквиот тренинг е суперинтензивен и напорен, таа и понатаму многу се забавува“, објаснува тренерката на Шакира, Ана Каисер.