Шахтјор моќно до Интер, Севиља за финале против Јунајтед! (ВИДЕО)
Денеска на завршниот турнир во Германија завршија официјално сите четвртфинални натпревари, во полуфиналето од фудбалската Лига Европа се пласираа уште Шахтјор Доњецк и Севиља.
Украинскиот состав доста убедливо со дури 4:1 го елиминираше Базел во Гелзенкирхен, во победничките редови по еднаш во листата на стрелците се запишаа Мораеш, Тајсон, Алан Патрик и Додо, додека на спротивната страна за швајцарскиот претставник стрелаше ван Волфсвинкел.
Во вториот меч Севиља успеа во самиот финиш, поточно во 88 минута од средбата благодарение на Окампос да дојде до минимален триумф против Вулверхемптон (1:0). Премиерлигашот во првото полувреме имаше шанса од пенал да дојде прв во предност, но непрецизен беше Хименез чиј удар го одбрани Боно.
Така, по одигрувањето на вечерашните пресметки се комплетираа полуфиналните двојки, на 16 август од 21.00 часот на стадионот во Келн, екипата на Севиља ќе игра со Манчестер јунајтед, а наредниот ден (17 август) во истиот термин, но на теренот во Дизелдорф, Интер се соочува со Шахтјор Доњецк.
Големото финале за титулата во ЛЕ ќе се одржи на 21 август на стадионот „Рејн Енерги“ во Келн (21.00 часот)