Шахпаска: Вработувањата во здравството не се непотизам туку испорачување на вистински мерки кон граѓаните

Вработувањата во здравството не се непотизам туку испорачување на вистински мерки кон граѓаните. Укинати се лихварските уценувачки договори за одење на специјализација, што ВМРО-ДПМНЕ ги правеше со години, ги плаќаме достоинствено приватните специјализанти. Во криза купуваме респиратори, 160 респиратори се пристигнати, а вашата помошник, заменик – министер по финансии несакаше да потпише кредит со кој 33 милиони евра ќе влезеа во здравството во време на криза, одговори Шахпаска на обвинувањето на Јанушев од ВМРО-ДПМНЕ за вработувањата на 780 доктори и 1000 сестри во здравствениот сектор.

-Автопатот Миладиновци –Штип беше готов само 53 отсто, немавте направено ниту експропријација, оставивте електрични столбови на автопат. Патот Крупиште –Пробиштип денес се гради квалитетно, вистинска асфалтна траса-одговори Јагода Шахпаска во контра реплика на Јанушев, носител на ИЕ 3 од ВМРО-ДПМНЕ.

Во новата програма на СДСМ имаме проект „Македонија без кал“ кој опфаќа 70 милиони евра распределен на сите општини.

Таа посочи дека во источна Македонија никогаш не се градело толку.

-Само во општина Берово направени се 42 километри регионален пат од кога дојдовме на власт. Исто таква инфраструктура се изгради и во Виница , кон Струмица , кон граничен премин Клепало, Делчево е поврзано со патна инфраструктура кон Каменица отстранети се свлечиштата. Конкретно Пехчево од овој проект ќе добие 600 илјади евра за изградба на улиците, општина Берово 800 илјади евра за локални патишта –истакна Шахпаска.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот