Оваа сезона (2019/20) во најсилната кошаркарска лига на светот (НБА) би можела да продолжи на 31 јули во Орландо, пренесува „ЕСПН“.

Според информациите, натпреварувањето ќе продолжи во формат од 22 екипи, а истото треба да заврши најдоцна до 12 октомври кога ќе се одигра последниот натпревар од финалната серија.

NBA models a 22-team format, the last possible date for an NBA Finals Game 7: October 12https://t.co/KRoZX6k9Ip

— Sportando (@Sportando) June 3, 2020

Комесарот на НБА лигата, Адам Силвер овој предлог утре ќе го стави на разгледување и за кој ќе разговара Одборот на директори.

„ЕСПН“ исто така наведува дека целта е да се игра и плеј-оф со 16 екипи кои во моментов се на позициите кои водат во елиминациските борби, со уште шест екипи кои најмалку заостануваат зад осморангираните екипи во конференциите, а тие би биле Њу Орлеанс, Портланд, Сан Антонио, Сакраменто, Феникс и Вашингтон.

До прекинот на сезоната поради пандемијата на коронавирус, водечки во Западната конференција беше Лос Анџелес Лејкерс со учинок од 49 победи и 14 порази, а на Истокот доминираше Милвоки Бакс (53-12).