Фудбалерите на Севиља уште еднаш покажаа дека се мајстори за освојување на пехарот во Лигата на Европа. Шпанскиот тим во финалето на второто по квалитет европско натпреварување со 3:2 го совладаа Интер и по шести пат го кренаа шампионскиот пехар.

Натпреварот започна со гол уште на самиот почеток откако Ромелу Лукаку во петтата минута го реализираше пеналот. Севиља возврати со два гола на Лук Де јонг, а до крајот на полувремето Диего Годин со голот во 36. минута ја врати резултатската неизвесност.

Во второто полувреме на средбата, победничкиот гол го постигна Диего Карлос и тоа со одличен шут со „ножички”, а притоа му помогна Лукаку кој малку ја зафати топка на нејзиниот пат кон голот на Интер.

За Севиља ова беше шесто финале во Лигата на Европа (вклучувајќи го и претходникот на Купот на УЕФА) и ги има освоено сите

Невообичаено долгата сезона во фудбалска Европа поради пандемијата на коронавирусот ќе биде затворена во недела кога во финалето на ЛШ ќе играат Баерн Минхен и ПСЖ.