Северина Којиќ и Игор Којиќ се на раб на развод, пишуваат српските медиуми, иако хрватските судови велат дека такво барање сè уште не стигнало кај нив.

Северина во Белград дошла кон средината на март за да го види синот Александар кого го има со српскиот претприемач Милан Поповиќ. Поради пандемијата на коронавирусот останала во Белград, односно во семејната куќа на нејзиниот сопруг и наводно таму ескалирале проблемите меѓу Севрина и Игор.

„Игор на почетокот на врската беше навикнат Северина да заработува од настапите. Кога почна пандемијата, Северина престана да настапува, како и сите пејачи, а бидејќи има многу казни што треба да ги плати на судот, плус животните трошоци, кои секогаш паѓаат на неа, мораше да го скрати буџетот. Игор тогаш полуде“, тврди извор за српските медиуми.

Потоа, Северина се врати во Загреб, но кршењето на полицискиот час во Белград не се случиле спонтано, туку тие се последица на расправиите во семејството Којиќ, кои како што пишуваат српските медиуми, ги предизвикала пејачката.

Во меѓувреме Северина изгуби уште еден судски спор. На почетокот на април додека беше во Белград, пејачката ја прекрши привремената мерка која важи до завршување на парницата со поранешниот сопруг, а тоа е дека не смее да објавува фотографии од нивниот син.

За објавување на фотографија од синот Северина мора да плати околу 650 евра (5000 куни), а казната ќе се зголеми, и тоа двојно, секој следен пат кога фотографија од детето ќе се појави на социјалните мрежи. Сепак, тоа се случи.

Српските медиуми пишуваат дека според гласините, Игор ја обвинил Северина дека таа е виновна за сите нивни проблеми, и дека семејството ќе банкротира поради неа, на што таа му возвратила: „Сакаш пари? Па заработи!“

Потоа Северина се вратила во Загреб, а Игор останал да работи во Белград како фудбалски менаџер. Оља и Драган Којиќ наводно не го поддржале нивниот син во одлуката, велејќи му дека не може да ја остави сопругата во проблеми, но тој наводно е убеден дека донел правилна одлука.

Пред неколку дена Којиќ ја избриша последната заедничка фотографија со Северина од својот профил. Јавно не и го честиташе ни роденденот минатиот месец, што досега беше „традиција“ на неговиот профил.