Јужна Кореја денеска соопшти дека ќе побара од својот северен сосед дополнителна истрага за убиството на јужнокорејскиот службеник, откако севернокорејскиот лидер Ким Џонг-ун вчера се извини за инцидентот.

Јужна Кореја соопшти дека доколку е потребно ќе побара и заедничка истрага со Северна Кореја.

Севернокорејскиот лидер Ким Џонг-ун во извинувањето за убиството на  јужнокорејскиот функционер наведе дека целта била да се спречи ширење на коронавирусот.

Британските медиуми наведуваата дека извинувањето стигна еден ден откако јужнокорејските власти објавија дека севернокорејските војници убиле маж, истуриле гориво врз него и го запалиле.

Во писмото испратено од Северна до Јужна Кореја се наведува дека претседателот Ким жали што ги разочарал јужнокорејскиот претседател Мун Џае-ин и луѓето од неговата земја, и се надева дека инцидентот нема да ја наруши довербата меѓу двете земји и дека тој ќе го испита инцидентот, пренесе агенцијата Јонхап.