Сетиен ги откри причините за поразот од Реал!
Стратегот на Барселона вели дека екипата не треба да се потпира целосно на квалитетите на аргентинската фудбалска ѕвезда, Лионел Меси.
Каталонците ги пропуштија своите шанси пред паузата, а после тоа головите на Виничиус Жуниор и Маријано Дијаз им донесе успех на домаќините.
Стратегот на Барселона, Кике Сетиен ги истакна причините за поразот и истакна дека тимот не треба да се потпира целосно на квалитетите на Лионел Меси.
– Мислам дека одигравме силно прво полувреме, а Реал доминираше во второто. Дури и тогаш, не започнавме лошо, но во еден момент грешките при подавањата станаа почести. Мора да му честитаме на противникот за победата. Понекогаш е нормално да изгубите натпревар, во кој се обидувате да го надиграте противникот. Кога тимот е подложен на таков агресивен притисок, станува тешко. Затоа е неопходно да се оддаде почит на играчите на Реал Мадрид, рече менторот на Барса.
Според него, „Меси е исклучително важен играч, но не треба тимот да зависи само од него”.
– Тој не успеа да постигне гол и ние загубивме. Поразот е непријатен, но ние ќе го надминеме. Остануваат уште многу мечеви. Реал има бод повеќе од нас, но сè може да се сврти – додаде тренерот на Барса.