Серолошките тестови покажаа дури 30 отсто од населението на Њу Делхи имало коронавирус
Починати, во последните 24 часа има 977 лица, а од почетокот на пандемијата 53.866.
Речиси 30 отсто од населението на индиската престолнина Њу Делхи веројатно е заразено од коронавирус, произлезе од серолошкото тестирање на 150 илијади жители на Њу Делхи, кое го спроведе локалната власт, што покажува дека бројот на заразени е многу поголем од оваа официјална бројка.
Во рамки на истражувањата спроведени се тестови на антитела на жителите на Њу Делхи во текот на првата недела од август, рече министерот за здравство на Њу Делхи Сатиендра Џаин.
„Утврдивме дека 29,1 отсто од населението на Њу Делхи има антитела, што значи дека биле заразени или излечени“, реча Џаин.
Делхи има 20 милиони жители, а според официјалните бројки во градот од коронавирус се заразиле 140.767 лица, од вкупно 2,84 милиони заразени во цела Индија.
Резултатите од истражувањата се поклопуваат со истражувањата спроведени во другите градови, како Мумбаи и Пуне.
Денеска во земјата се потврдени 69.652 случаи од зараза, покажуваат податоците на сојузното министерство за здравство.
Починати, во последните 24 часа има 977 лица, а од почетокот на пандемијата 53.866.
Индија е во апсолутни бројки трета најтешко погодена земја од коронавирусот на светот, зад САД и Бразил.