Серија земјотреси во Србија, најсилниот во околината на Крагуевац

Земјотрес /Фото: МИА

 

Српскиот Републички сеизмолошки завод соопшти дека утринава во 5.18 часот е регистриран уште еден земјотрес во околината на Крагуевац.

Според информациите, земјотресот бил со јачина од два степена според Рихтеровата скала.

Првиот земјотрес е регистриран во вторникот вечерта во 23.25 часот и бил со јачина од 4,1 степени според Рихтеровата скала, со епицентар во околината на Крагуевац, се наведува на веб-страницата на Сеизмолошкиот завод.

Европскиот медитерански сеизмолошки центар (EMSC) соопшти дека синоќешниот земјотрес бил со јачина од 4,4 степени, а епицентарот на четири километри југоисточно од Крагуевац.