Серија земјотреси во Грција: Последниот со јачина од 4.4 стапени според Рихтер
Земјотрес со јачина од 4,4 степени го погоди грчкиот остров Крит, соопшти атинскиот институт за геодинамика.
Земјотресот се почувствува денеска во 17,00 часот, а епицентарот се наоѓа на 28 километри југо-западно од градот Сфакија, на длабочина од 10 километри, пренесе весникот „Катимерини“.
Map of felt reports received so far following the #earthquake M4.3 in Crete, Greece 43 min ago pic.twitter.com/JfRogMklph
— EMSC (@LastQuake) December 7, 2019
Евро-медитеранскиот сеизмолошки центар соопшти дека земјотресот бил со јачина од 4,5 степени по Рихтер. Засега нема информации за причинетата штета.
Крит денеска го потресоа уште два земјотреси со јачина од 4 и 3,5 степени од Рихтер. Двата земјотреси се регистрирани во близина на малиот остров Гавдос, јужно од Крит, на длабочина од 10 километри.
Островот Гавдос припаѓа административно на Крит.