Екипите од Серија А според зборовите на премиерот Конте, треба да се вратат на тренинзите на 18 мај, а сезоната да продолжи во јуни, но нема гаранции дека тоа ќе се случи.

– Не притискаат, но медицинскиот протокол тоа не може да го гарантира. Ќе видиме што ќе се случи тогаш. Екипите ќе се вратат на групните тренинзи, но само доколку биде потврдена безбедноста за сите актери во наредните неколку недели – изјави Спадафора.

Според сценариото на Серија А, тренинзите на екипите би започнале на 18 мај, а првото коло од преостанатите 12 би се играло на 2 јуни, за кога е планирано да бидат отворени и фризерските салони и салоните за масажа во Италија.

– Не сакам да го успорам продолжувањето на фудбалот, но морам да кажам дека не знаеме што ќе се случува дотогаш и мора да бидеме внимателни. Постојат одредени протоколи за безбедност за спортистите. Италијанската фудбалска федерација вчера го достави протоколот, но медицинските експерти го прогласија за недоволен така што е потребно да се работи на него. Само кога тоа ќе се случи и ќе има договор за протоколот, тогаш ќе одлучиме дали ќе може или не да се игра фудбал – рече Спадафора.