Серија А: Радост за Пандев, Несторовски без гол против Парма!
На градското дерби во Рим на „Олимпико“ нерешено одиграа екипите на Лацио и Рома (1:1). После првото полувреме водеше „волчицата“ со голот на Коларов од пенал, а израмнија „небесно-сините“ со погодокот на Алберто во 58 минута од средбата.
Потоа, Интер го забележа и вториот триумф по ред сезонава на гостувањето кај Каљари со 1:2. „Неро-аѕурите“ водеа по првите 45 минути со голот на Мартинез. на стартот од вториот дел кај домаќините стрелец беше Жоао Педро, а трите бода за гостите ги донесе Лукаку кој беше прецизен од пенал во 72 минута.
Удинезе го претрпе првиот пораз во Серија А и тоа пред своите гледачи од Парма со 1:3. Први фудбалерите на Тудор стекнаа предност во 17 минута благодарение на Ласања, а непосредно пред паузата за нов егал на мечот се погрижи Жервињо после асистенцијата на Швеѓанецот со македонско потекло, Кулушевски.
Гаљоло стрелаше за пресврт во 59 минута, а повторно асистираше Кулушевски. Нашиот репрезентативец Илија Несторовски беше стартер и настапи до 70 минута кога беше заменет од Пусето, а со третиот погодок кој беше дело на Инглезе „млекарите“ ги потврдија трите бода.
⏱ RISULTATO FINALE#GenoaFiorentina 2⃣-1⃣
??Il Genoa ottiene la prima vittoria stagionale tra le mura del Ferraris. Avanti 2-0 con Zapata e Kouamé, nel finale la Viola accorcia su rigore, ma i rossoblù resistono con tenacia e portano a casa i tre punti!
?#SerieATIM pic.twitter.com/oH9Xsqj4Xi
— Genoa CFC (@GenoaCFC) September 1, 2019
Џенова триумфираше минимално над Фиорентина (2:1), нашиот Горан Пандев доби шанса од 84 минута кога го замени Пинамонти. Претходно играчите на Андреацоли водеа по првиот дел со голот на Запата, па зголеми Куаме, а „виолетовите“ успеаја единствено да го ублажат поразот преку Пулгар од белата точка (76`).
На останатите дуели беа постигнати следните резултати: Аталанта-Торино 2:3, Лече-Верона 0:1 и Сасуоло-Сампдорија 4:1. На табелата водат Интер, Јувентус и Торино со по шест максимални бодови, по четири Лацио, Џенова и Болоња.