Во тек се и натпреварите од втората италијанска лига, Серија Б и воедно се води борба за една од позициите кои водат во највисокиот ранг.

Моментно во Серија А настапуваат тројца наши репрезентативци, Горан Пандев (Џенова), Илија Несторовски (Удинезе) и Елиф Елмас (Наполи).

Следната сезона во елитата би можеле да настапуваат уште двајца Македонци, станува збор за Бобан Николов и Лука Станковски.

Денеска се играат мечевите од 29 коло во Серија Б, Лече на нашиот Николов триумфираше на гостувањето кај Венеција (2:3). Николов беше на клупата на резерви, но остана без настап.

Моментно Лече е на третата позиција со 49 бодови, зад водечките Емполи (56) и Монца (50). На четвртото место е Салернитана (48), следуваат Венеција (46), Цитадела (45), Киево (43), Спал (42)…

Потсетување дека нов играч од Монца од следната сезона ќе биде досегашниот играч на Работнички, Лука Станковски.

Првопласираните две екипи автоматски се селат во Серија А, додека тимовите од третата до осмата позиција рангирани после регуларниот дел од шампионатот ќе играат во плеј-оф за последниот трет „билет“.