Серија А: Наполи го слави Милик, Лацио од 0:3 до 3:3! (ВИДЕО)
Одиграни два натпревари денеска во осмото коло од најсилното италијанско фудбалско првенство, Наполи триумфираше дома над Верона, а ремизираа екипите на Лацио и Аталанта.
После ремито кај Торино без голови овојпат Наполи не дозволи повторно да заврши меч само со еден бод, туку ја оправда фаворитската улога славејќи со 2:0 над Верона.
Најзаслужен за трите бода беше полскиот репрезентативец Милик во 37. и 67. минута од средбата после асистенциите на Руиз и Инсиње. Македонскиот репрезентативец Елиф Елмас иако беше на клупата за резерви, не доби шанса за настап од тренерот Карло Анчелоти.
Крајно возбудливо и интересно беше на дуелот на „Олимпико“ во Рим каде што Лацио и Аталанта приредија една вистинска голеада.
Во првото полувреме водеше Аталанта (0:3) со двата гола на Муриел и еден на Гомез, и се најавуваше една убедлива победа на играчите на Гасперини. Но, во вториот дел се вратија „небесно-сините“ и не дозволија на крајот да бидат поразени. Двапати од пенал беше прецизен Имобиле кој беше и асистент во 70 минута, а стрелец беше Кореја.
Серија А, 8. коло
Сабота –
Лацио-Аталанта 3:3
Наполи-Верона 2:0
20.45 часот
Јувентус-Болоња
Табела: Јувентус 19 бодови, Интер 18, Аталанта 17, Наполи 16, Рома 12, Лацио 12…