СЕРИЈА А: Милан во победничка атмосфера пред ДЕРБИТО со Интер! (ВИДЕО)
Вечерва во рамките од третото коло во најсилното италијанско фудбалско првенство, екипата на Милан ја оправда фаворитската улога славејќи на гостувањето кај Верона (0:1).
Проблеми за домаќините уште во првото полувреме, бидејќи Степински во 21 минута поради прекршок, односно невнимателно удирање со ногата во лицето на Мусачио го напушти теренот.
Тоа го искористија гостите во 68 минута, дојдоа до трите бода од пенал кој го реализираше Кшиштоф Пјонтек, а претходно со рака во казнетиот простор играше германскиот интернационалец Гунтер.
Во самиот финиш од средбата и кај „росонерите“ имаше исклучен фудбалер, Калабриа поради неспортски потег нешто слично како Степински мораше предвреме да оди кон соблекувалните. Милан во следното коло ќе игра против градскиот ривал Интер на 21 септември на „Сан Сиро“.
Рома со 4:2 на својот „Олимпико“ триумфираше над Сасуоло, а претходно Болоња имаше еден неверојатен пресврт на гостувањето против Парма.