Во денешниот последен натпревар во Серија А, Милан и Лече одиграа нерешено 2:2. Поведе Милан преку Хакан Чалханоглу во 20. минурта и тој резултат го имаше сè до 62. минута.

Бабакар тогаш промаши пенал, но одбиената топка дојде до него и ја испрати во мрежата за израмнување.

Кшиштоф Пјонтек во 81. минута беше прецизен за ново водство на домаќинот, но Милан без два бода остана во втората минута од судиското надополнување кога за конечни 2:2 погоди Калдерони.

Милан сега на 12. место на табелата има 10 бодови, а Лече со седум се наоѓа на 15. позиција.

Од денешната програма Интер во дуел со седум гола на гости го совлада Сасуоло, а Парма со 5:1 го декласираше тимот на Џенова.