Клубовите од Серија А ќе донираат по пет тестови на коронавирус за секој кој го искористат кога ќе се вратат на тренинзите пред можното продолжување на сезоната, пренесува „Кориере дело Спорт“.

Се вели дека тој е еден од предлозите од страна на италијанската фудбалска федерација и испратен до тамошната Влада која пак треба да донесе конечна одлука кога можат клубовите да започнат со тренинзи по паузата.

Ваквиот предлог дојде за да бидат избегнати критики дека фудбалерите ќе ги преземат потребните ресурси на оние на кои им требаат повеќе тестови доколку можат да се вратат на тренинзи.

The Italian Government is set to accept the protocol for resuming Serie A training after clubs agreed to donate 5 covid-19 tests for every 1 that they use (daily testing at first). Italian football should be ready to resume training from May 4th or soon after. (@footballitalia)

— SSC Nap⚽️li News (@SSCNapoliNews_) April 25, 2020

Управувачкото тело на италијанскиот фудбал се надева дека тренинзите можат да продолжат во мај, иако министерот за спорт, Винченцо Спадафора во средата изјави дека се уште не е подготвен да даде „зелено светло“.

Италијанската фудбалска федерација веќе објави одредени делови од доставените предлози. Тие наведуваат дека играчите и сите вработени во клубот, помеѓу 40 и 50 лица, треба да бидат тестирани, а потоа да се изолираат во тренинг камповите каде што би започнувале подготовките.

Во текот на првата недела, играчите ќе треба да тренираат индивидуално, почитувајќи го растојанието, а потоа доколку не бидат позитивни, тогаш би можеле да започнат да работат и тимски, колективно.