Серхио Рамос има две понуди со кои го добива тоа што Реал не му го нуди
Капитенот и претседателот на Реал Мадрид, Серхио Рамос и Флорентино Перез, повторно имаат несогласувања поради новиот договор кој треба му биде понуден на фудбалерот.
Проблемот е во тоа што Перез му нуди само едногодишен договор на својот капитен кој пак бара договор на најмалку две години.
Поради тоа, познатиот шпански новинар Едуардо Инда, сензационално објави дека Рамос веќе има две понуди од две екипи кои се подготвени да му ја исполнат желбата на играчот на Реал Мадрид.
Од друга страна, претседателот Перез е свесен дека неговиот капитен не сака да си замине од Реал Мадрид по 16 години, и поради тоа и идвајцата играат игра на нерви.
Инда тврди дека екипите кои му нудат двегодишен договор на Серхио Рамос се Јувентус и ПСЖ, а се подготвени и да му ја исполнат и втората желба, 11 милиони евра нето годишна плата.