Како што најави палатата, денеска ќе се одржи крштевањето на синот на принцот Хари и Меган Маркл.

Малиот Арчи ќе биде крстен во Виндзор со вода од реката Јордан

Војводата и војвотката од Сасекс ќе објават некои од фотографиите од крштевката што ќе ги сними фотографот Крис Алертон.

Крштевката ќе се изврши во интимен семеен круг, а имињата на кумовите нема да се откријат. Има шпекулации дека кума може да биде Серена Вилијамс, но не се исклучува ни Џорџ Клуни. Исто така предвид доаѓаат и некои членови од семејството.

Поканети се само 25 луѓе, а се очекуваат најблиските членови од семејството: принцот Чарлс и неговата сопруга Камила, принцот Вилијам и Кејт Мидлтон со нивните три деца, мајката на Меган Доротеа Рагланд и кумовите.

Кралицата Елизабета поради веќе закажани обврски нема да може да присуствува на крштевката на осмиот правнук.