Екипата на Струга Трим Лум иако „аутсајдер“ на крајот беше подобра од „романтичарите“, а шампионот Шкендија сеуште како да продолжува во криза, после европското неуспешно лето.

Бранителот на трофејот од минатата сезона, Шкендија загуби минимално на гостувањето кај Академија Пандев (1:0).

Првите три бода за струмичани ги обезбеди Сашко Пандев со прекрасен гол од слободен удар во 61 минута од средбата.

Ренова на домашен терен благодарение на погодокот на Велиа во 38 минута славеше против Силекс. Потоа, Шкупи со 2:0 го надигра новиот прволигаш Борец, стрелци на головите за тимот од Чаир беа Јурина и Удиаби.

И во последниот дуел, новајлијата Струга Трим Лум приреди изненадување совладувајќи го Работнички со 2:1. По повеќе од две децении се врати прволигашкиот фудбал во Струга, и тоа на триумфален начин…

Скопскиот клуб поведе во 14 минута, па израмни Мустафов со еден фантастичен погодок во 26 минута, а Лена во 60 минута го постави конечниот епилог за голема радост на домашните навивачи во Струга.

1МФЛ, прво коло

Сабота:

Академија Пандев-Шкендија 1:0
Ренова-Силекс 1:0
Шкупи-Борец 2:0
Струга Трим Лум-Работнички 2:1

Недела:

17.30 часот
Вардар-Македонија ЃП