Сензација: Реал поразен од Мајорка и Трајковски! (ВИДЕО)
Во последниот натпревар од саботната програма фудбалерите на Зинедин Зидан ги разочараа своите навивачи со пораз на гостувањето кај Мајорка (1:0).
Тоа беше прв пораз за „кралевите“ во Ла Лига, па така сега нема непоразени во првенството, за Мајорка ова беше трета победа, втора по ред за моментно 14 место во генералниот пласман со 10 бодови.
Единствениот гол за домаќините го реализираше Јуниор уште во седмата минута со еден убав погодок во мрежата на Куртоа.
Токму стрелецот во 81 минута беше заменет од македонскиот репрезентативец Александар Трајковски кој доби шанса да настапи против славниот Реал Мадрид кој претходно од 74 минута остана со еден играч помалку поради два жолти картони на Одриозола.
Претходно Барселона ја оправда фаворитската улога на гостувањето кај Еибар, Хетафе со головите на Анхел триумфираше над Легањес, а ремизираа Атлетико и Валенсија. Поведоа „јорганџиите“ со погодокот на Коста, а израмни Парехо во 82 минута од средбата.
„Ла Лига“, 9. коло
Сабота –
Еибар-Барселона 0:3
Атлетико Мадрид-Валенсија 1:1
Хетафе-Легањес 2:0
Мајорка-Реал Мадрид 1:0
Табела: Барселона 19 бодови, Реал Мадрид 18, Гранада 17, Атлетико Мадрид 16, Реал Сосиедад 13, Хетафе 13…