Сензација од Англија: Бејл преговара за кам-бек во Тотенхем

EPA-EFE/JUANJO MARTIN

Герет Бејл се наоѓа пред шокантно враќање во Тотенхем од каде замина во Реал Мадрид.

Веста на денот во фудбалска Европа доаѓа од Англија и таа гласи, Герет Бејл се враќа во Тотенхем.

Како што пренесува „Телеграф“, Бејл најверојатно ќе пристигне во тимот од каде замина во Реал Мадрид, на позајмица, а во спротивен правец, односно на „Сантијаго Бернабеу“ би дошол Деле Али, исто така како позајмен играч.

Според весникот, Бејл е согласен да се врати во Тотенхем, а Реал Мадрид би покривал 50 проценти од платата на Велшанецот.

Веста за преговорите ја потврди и агентот на фудбалерот, Џонатан Барнет.
– Герет се уште го сака Тотенхем. Преговараме бидејќи тоа е место каде повторно би сакал да игра – изјави Барнет.

Герет Бејл во Реал Мадрид дојде во 2013 година токму од Тотенхем за тогаш рекордни 100.8 милиони евра и со „кралскиот“ клуб освои четири титули во Лигата на шампионите како и две во Ла Лига, но со враќањето на Зинедин Зидан на клупата, Велшанецот падна во втор план и повеќе беше на трибините отколку на теренот.

Видео на денот