Репрезентацијата на Португалија го направи најголемото изненадување на Европското првенство победувајќи го еден од главните фаворити за титулата, Франција.
Португалците со 28:25 ги совладаа „триколорите“.

Како една од главните причини за поразот е катастрофалното издание на голманите на „триколорите“ кои за 60 минути имаа само седум одбрани.
Бранкињо со пет голови и Гомеш и Фераз со по четири гола беа едни од најзаслужните за големото изненадување.

Во групата Б во која Македонија вечерва ќе ја има премиерата на ова ЕП, еден од домаќините, селекцијата на Австрија со 32:29 ја совлада Чешка.
Ракометарот на Кил, Никола Билик постигна дури 12 гола и е најзаслужен за победата над незгодната репрезентација на Чешка.

Селекцијата на Словенија со 26:23 беше поусшешна од Полска. Блаж Благотиншек и Борут Мацковшек беа први имиња во тимот на Словенија со по пет гола, а одличен на голот беше и Клемен Ферлин со 12 одбрани. Кај Полска, Аркадиуш Морито со 8 гола беше најефикасен.