Птичјо млеко, или „ptasie mleczko“, било омилен десерт во советските држави, каде луѓето не само што ги консумирале овие пенести бонбони во домашна атмосфера, туку и ги подарувале на сите можни пригоди за славење.

Овој десерт може да се купи во Полска и ден-денес, но вие можете да го приготвите и дома. Во продолжение, дознајте како можете да го направите ова слатко задоволство, кое ќе биде одлична комбинација со вашето попладневно кафе.

 

View this post on Instagram

 

A post shared by Gotuj z Lubuś (@na_slono_i_na_slodko)

Потребни состојки:

• 3 белки
• 50 гр шеќер
• 75 гр путер на собна температура
• 100 гр засладено кондензирано млеко
• 1 лажичка екстракт од ванила
• 1 лажичка екстракт од лимон
• 10 гр желатин
• 1 прстофат сол
• 100 гр чоколадо

Подготовка:

Ставете го желатинот и 2 лажици ладна вода во сад за микробранова печка и оставете го 30 минути.

Матете ги белките од јајца и додајте прстофат сол. Потоа додадете го и шеќерот и матете сѐ додека не добиете цврст шлаг.
Ставете ги путерот, кондензираното млеко, екстрактите од ванила и од лимон во друг сад и мешајте сѐ додека не добиете густа и кремаста смеса.

Ставете го желатинот во микробранова печка околу 15 секунди. Потоа, истурете го желатинот во смесата со путер. Мешајте додека не се соединат. Со помош на гумена шпатула, нежно истурете ја смесата со путер во смесата од белките и мешајте додека не се соедини сѐ.

Истурете ја целата смеса на плех обложен со хартија за печење и ставете ја во фрижидер неколку часа или преку ноќ за да се стегне. Кога ќе ја извадите од фрижидер, префрлете ја стегнатата смеса на даска за сечење и исечете ја на коцки.

Растопете го чоколадото, потопете ги коцките во чоколадото и оставете ги да се изладат.

На здравје!