Сензација: Алкалоид во ракометното дерби го урна Вардар 1961 во Автокоманда
Во рамките од плеј-офот во македонската ракометна Суперлига составот на Алкалоид приреди големо изненадување совладувајќи го актуелниот шампион Вардар 1961 во салата Автокоманда со 22:21.
После првото полувреме водеа играчите на тренерот Кирил Лазаров со 13:10, иако пред паузата имаа и поголема предност (13:6).
„Црвено-црните“ направија серија од 9:2 за израмнување на 15:15, а на четири минути пред крајот на средбата за првпат и поведоа на натпреварот со 20:21.
Во завршницата поснаодливи беа ракометарите на Алкалоид кои ги искористија грешките на противникот и со два гола на крајот забележаа голема победа.
Трајковски, голманот на Алкалоид имаше клучен придонес во триумфот со 14 одбрани, а кај стрелците најефикасен беше Серафимов со седум голови. На спротивната страна Томовски имаше девет интервенции, а седум погодоци запиша Манасков.
Во саботата се одигра уште еден меч, Еурофарм Пелистер 2 на гости славеше кај Тинелс Пролет со 25:26.
Табела: Вардар 1961 21 бод, Еурофарм Пелистер 18, Алкалоид 18, Тиквеш 10, Бутел Скопје 7, Еурофарм Пелистер 2 7, Тинекс Пролет 5, Охрид 3.