1.1 C
Скопје

СЕММ: Сензационалистичкото известување во јавноста нема предност над професионалното и етичкото

Од моментот на прогласување на вонредната состојба до денеска, до Комисијата за жалби при СЕММ се пријавени 27 случаи на непрофесионално и неетичко известување. Од нив, најголем дел (19 жалби или 70 отсто од случаите) се однесуваат на известувањето околу пандемијата на коронавирусот. Прекршување на членот 8 од Кодексот на новинарите, односно сензационалистичко информирање, како и на член 1 кој се однесува на објавувањето точни и проверени информации е утврдено во 32 отсто од пријавените случаи, соопштија од Советот за етика во медиумите (СЕММ).

Од СЕММ истакнаа дека јавноста реагира и на обидите за политизирање на кризата околу коронавирусот во медиумите, а во дел од пријавените случаи до СЕММ утврдено е дека новинарите не обезбедуваат професионална дистанца од политичките субјекти, односно се прекршува член 14 од Кодексот на новинари (32отсто).

Прочитајте и...  Почна реконструкција на тоалети во кумановската гимназија „Сами Фрашери"

Медиумите, како што нагласија, не смеат да бидат искористувани за поделба на луѓето преку различни политички пресметки, а коронавирусот не смее да биде „оружјето” што ќе се користи од кои било политичари, без разлика дали станува збор за власт или опозиција, за политичко поентирање.

– На уредниците им укажуваме дека сензационалистичкото известување во јавноста нема предност над професионалното и етичкото известување, а медиумите треба да дејствуваат на начин што ги разликува од обични преносители на информации и факти и да ја применат и својата улога како смирувачи на вознемиреноста кај граѓаните со професионално информирање, наведоа од СЕММ.

Од Советот посочија дека новинарите мораат да внимаваат и на начините на кои ги објавуваат и преземаат агенциските вести и информациите од странски медиуми, особено кога се засноваат на официјално непотврдени информации коишто во одредени случаи се користат како извесен епилог од кризата. Во дел од случаите пријавени до СЕММ уште во самите наслови не се наведува изворот на информацијата, со што се добива впечаток дека се работи за очигледен факт.

Прочитајте и...  Василев: Идентичен е износот наведен од вештакот и обвинителниот акт за системот „Најс"

– Позитивна практика е што се зголемува бројот на случаи решени низ медијација, а во оваа насока Комисијата за жалби при СЕММ ја поздравува и подготвеноста на медиумите да се коригираат кога ќе се утврди пропуст во содржината, соопштија од Советот.

СЕММ упатува остра осуда на говорот на омраза и дискриминација присутен на социјалните мрежи, а медиумите ги повикуваме да се дистанцираат од натамошно пренесување на таквиот говор или, пак, да учествуваат во неговото професионално разобличување.

– Повторуваме дека борбата против говорот на омраза е регулирана со закон, тоа не е само прекршување на Кодексот, туку е и кривично дело и, во такви ситуации, органите на системот се првоповикани да истражат и да санкционираат, истакнаа од СЕММ.

Прочитајте и...  Мич Меконел ќе го поддржи договорот за поделба на власта со демократите во Сенатот

Поврзани вести

Западните соседи во проблеми од обилните врнежи на дожд: Поплави во Албанија, Скадар е пред вонредна состојба

Слободен печат

Филипче: „Мој термин“ ќе има клучна улога во процесот на имунизација против ковид-19, имаме залихи од Ивермектин и Клексан

Слободен печат

Студен туш од Атина за Србите: Нема договор за влез во Грција оваа сезона

Слободен печат

Со 75.000 денари од општинската каса: Поставени пет мерни станици за аерозагадување во Свети Николе

Слободен печат

ВИДЕО: Младата македонска режисерка Ана Алексовска ги освојува филмските фестивали со “Господата од Современа”

Слободен печат

Ковид-центарот во Тетово укажува на софтверска грешка: Немаме 11 починати пациенти во еден ден

Слободен печат

Остави Коментар