Екипата на „Слободен печат“ ја најде семејната куќа на обвинителката Катица Јанева во Гевгелија. Она што можевме да го забележиме се спуштените ролетни и заклучената порта. Улицата во која живеела некогаш Јанева денеска беше пуста.

Специјалната јавна обвинителка Катица Јанева, утринава со полициска придружба од КПУ Затвор – Скопје замина во Гевгелија на погреб на нејзината мајка. На Јанева и било дозволено накратко да се прости од својата мајка во капелата.

Полицијата не и дозволила да оди на гробиштата, туку веднаш ја вратила назад за Скопје, во истражниот затвор во Шутка, каде одлежува 30-дневен притвор.

Јанева е осомничена во случајот „Рекет“ за кривично дело Злоупотреба на службена положба по член 353 став 3 вв став 1 од КЗ на РМ. Станува збор за прибавување имотна корист во значителен износ од 1,5 милиони евра. Од прибавената имотна корист за себе зела мебел што и го набавил еден од осомничените.