Македонскиот репрезентативец Крсте Велковски и неговиот Сараево се поразени од Селтик во првиот натпревар од квалификациите за ЛШ. Шкотскиот тим славеше како гостин со 3:1 по што реваншот ќе претставува формалност, а во наредната рунда го очекува македонскиот шампион Шкендија.

Екипата на Сараево преку Оремус поведе со 1:0 во 29 минута,  но тоа беше се што направија домашните фудбалери. Пресвртот на Селтик го најави Џонсон во 35 минута, а во второто полувреме победата ја заверија Едуард и Синклер.

Во останатите натпревари, екипата на Црвена Звезда одигра без голови на гостувањето кај литванскиот шампион Судува, додека Хелсинки со победата од 3:0 на домашен терен над Торшавн е сигурен патник во наредната рунда.

Резултати:
Астана – Клуж 1:0
Арарат – АИК Стокхолм 2:1
Хелсинки – Торшавн 3:0
Номе Калју – Шкендија 0:1
Сараево – Селтик 1:3
Дуделанж – Валета 2:2
Судува – Црвена Звезда 0:0
ТНС – Фероникели 2:2.