Поранешниот министер за здравство и претседателски кандидат, Имер Селмани, вечерва во емисијата „24 анализа“ рече дека државата е пред голем предизвик – дали ќе се продолжи со новото парламентарно мнозинство со постоечката власт или ќе се оди на брзи парламентарни избори.

– Или ќе имаме ново неубедливо широко мнозинство, но и тоа е кревко. Анализирајќи ги сите постапки на Алтернатива и нивното искуство од пред неколку години кога беа во коалиција со ДУИ и СДСМ, очекувано беше дека тие ќе поставуваат многу ситни, фини теми од стратешки концепт. Алтернатива концепциски нема многу разлика во однос на програмските ориентации на СДМ и ДУИ, но ќе се очекува да сакаат да внесат нешто ново“, рече Селмани.

Поради желбата на новиот владин партнер да се внесе нешто ново и автентично во власта, останатите владеачки партии да бидат трпеливи, вели тој.

-Не е само кадровската политика, затоа што лошо би било доколку Алтернатива влезе во Владат само поради еден-двајца министри, заменици и неколку директори, лошо ќе поминат на наредните избори. Ќе биде добро за нив и државата доколку донесат нешто свое и нови елементи во Владата, потенцира Селмани.