Селма Хајек за „Entertainment Tonight“ откри зошто постојано објавува фотографии на социјалните мрежи на кои позира во бикини.

„Морав да ослабам многу и да вежбам за да успеам да облечам бикини на крајот на минатата година. Среќна сум што направив многу фотографии, не се срамам од тоа бидејќи тоа ми беше прва недела од годишниот одмор“, вели актерката.

„Но, по таа прва недела, слушнав дека повторно одиме во карантин и почнав повторно да јадам“, се пошегува таа.

Хајек имала потреба да разјасни дека поради пандемијата не била секој ден на базен, како што мислат некои кои постојано се обидуваат да ја „толкуваат“ секоја нејзина објава на социјалните мрежи.

„Луѓето веќе се малку уморни, но јас ќе им давам шанса да се одморат. Ќе си мислат дека секој ден сум во бикини. Не сум, фотографиите се од иста локација“, вели Селма.

„Ги зачував фотографиите, денес веќе не сум во иста фома и споделувам љубов на секои две недели. Ќе објавам уште една. Наскоро ќе останам без нив“, посочи актерката.