Селин Дион не може да стане од кревет: Здравствената состојба на пејачката се влошува

селин дион
Селин Дион/Фото: EPA-EFE/ETIENNE LAURENT

Канадската пејачка Селин Дион наводно не може да се движи поради здравствени проблеми и се повлекува од сцената на некое време…

На почетокот на овој месец, 53-годишната пејачка ги загрижи обожавателите кога објави дека мора да одложи дел од нејзината турнеја „Courage“ поради болни грчеви во мускулите.

 

View this post on Instagram

 

A post shared by Céline Dion (@celinedion)

Сега нејзина блиска пријателка открила дека повеќе не може да стане од кревет, ниту да се движи поради парализирачка болка во стапалата и нозете.

„Доколку нејзината состојба не се подобри, би можела да се повлече од сцената неколку месеци, па дури и една година“, открила нејзината пријателка, додавајќи дека Селин изгубила многу килограми и дека ѝ е тешко да се грижи за нејзините 11-годишни близнаци Еди и Нелсон.

 

View this post on Instagram

 

A post shared by Céline Dion (@celinedion)

Пејачката ја одложи турнејата за првпат поради пандемијата, а потоа ги одложи настапите во Лас Вегас помеѓу ноември 2021 и февруари 2022 година.

„Навистина се надевав дека сум подготвена за сцената, но сфатив дека морам да бидам потрпелива“, напиша тогаш Селин на нејзиниот твитер-профил.

Европскиот дел од турнејата, кој сè уште не е откажан, треба да започне на 25 мај во Бирмингем.

Видео на денот