Албанскиот премиер Еди Рама кој присуствува на Самитот ЕУ-Западен Балкан во Брисел на Твитер објави „селфи“ со премиерот Димитар Ковачевски и напиша досетлив коментар:

„Сè уште го чекаме Годо? Не, ние сме навикнати на оваа шарада и повеќе од кога било сме посветени нашите земји да напредуваат и да го модернизираме регионот со непоколеблив европски дух“, напиша Рама покрај фотографијата со Ковачевски.

Рама, Ковачевски и Вучиќ вчера донесоа заедничка одлука да отпатуваат во Брисел на Самитот ЕУ-Западен Балкан и да го презентираат своето незадоволство од инертноста на Унијата во однос на почетокот на пристапните преговори на Северна Македонија и Албанија кои ги блокираше Бугарија.

На Самитот на кој учествуваат шефови на држави и влади на Европската Унија и од регионот на Западен Балкан ќе се разговара за пошироката Европа, Западен Балкан, Украина, апликациите за членство во ЕУ од Украина, Република Молдавија и Грузија, како и економските прашања и надворешните односи.

Still waiting for Godot? No, we are used to this charade and we are more then ever committed to push forward our countries and our region modernization with unwavering European spirit🇦🇱🤝🇲🇰 pic.twitter.com/bmxXK8WXbc

— Edi Rama (@ediramaal) June 23, 2022