Селена Гомез повторно вљубена? Се погласни гласините дека пејачката е во врска со кошаркарот Џими Батлер
Со молскавична брзина се проширија гласините дека 28-годишната пејачка Селена Гомез е повторно вљубена откако неодамна била забележана на вечера со 31-годишниот кошаркар на „Miami Heat“ Џими Батлер.
Гласините за новиот пар првпат се појавија на Инстаграм профилот „DeuxMoi“ во средината на ноември. И од тогаш на социјалните мрежи гласините стануваа се погласни.
Имено келнери кои работат во францускиот ресторан „Lucien“ во Њујорк тврделе дека Селена Гомез и кошаркарот биле на вечера таму минатиот месец, која наликувала на романтичен состанок.
Непознат извор за „E!“ тврдел дека Селена и Батлер имале неколку состаноци и објаснил дека тие не се во официјална врска во моментов, затоа што пејачката „ги одржувала своите опции отворени“.
„Тие се дружеа неколку пати додека Селена беше во Њујорк. Џими ја заболил да одат на вечера и одлично се забавуваа. Очигледно е на каде одат работите, но сè уште не е решено“, изјавил изворот.
Во последните неколку недели Гомез навистина беше во Њујорк за снимањето на хумористичната серија „Only Murders in the Building“ со Мартин Шорт и Стив Мартин.
Познатиот кошаркар беше во врска со манекената Кејтлин Новак, со која ја има и едногодишната ќерка Рајли, додека Селена Гомез, како што призна во едно интервју во септември годинава, својот љубовен живот го ставила во мирување поради пандемијата на коронавирусот.
Нејзината најпозната врска беше со пејчаот Џастин Бибер, а покрај него, пејачката беше видена и со Орландо Блум и „The Weeknd“.