Селена Гомез ја покажа лузната на внатрешниот дел на бутот, која ѝ останала по трансплантацијата на бубрег пред три години.

28-годишната поп-ѕвезда добила бубрег од нејзината пријателка Франсиа Раиса откако претрпела компликации од автоимуната болест лупус.

Подоцна се проширија гласини дека Селена за малку ќе умрела поради компликации од операцијата.

Таа им порача на обожавателите дека претходно се срамела да им дозволи на другите да ја видат лузната, но сега се чувствува „горда“ на своето минато и била подготвена да ја покаже!

Поранешната ѕвезда на „Disney Channel“ објави фотографија на својот Инстаграм профил, на која стои пред базен во бебешко син костин за капење.

„Кога направив трансплантација на бубрегот, на почетокот ми беше многу тешко да ја покажам лузната. Не сакав да бидам на фотографии, затоа носев работи што ќе го покријат тој дел“, напиша Селена.

„Сега, повеќе од кога било, се чувствувам сигурна во тоа која сум и низ што поминав… и горда сум на тоа“, напиша таа.