Откако поранешниот вицепремиер, Артан Груби се најде на црната листа на САД, претседателот на едното крило на Алијансата за Албанците, Зијадин Села, ја поздрави одлуката. Тој ги повика Артан Груби и апелацискиот судија Енвер Беџети, да се повлечат од институционалниот и политичкиот живот и како граѓани да се соочат со обвиненија.

Во објава на Фејсбук Села напиша:

„Алијансата за Албанците продолжува да биде еден од политичките актери кои ги осудуваа и јавно ги осудуваат врските на судството со политиката и олигархијата. Затоа, денеска ја поздравуваме последната одлука на САД, најважниот стратешки партнер на Македонија и албанскиот народ.Борбата против корупцијата означува важен чекор во градењето на владеењето на правото и нашата иднина. Ги повикуваме апострофираните да се повлечат од институционалниот и политичкиот живот и како слободни граѓани да се соочат со обвиненија.Индивидуалната одговорност е камен-темелник на една модерна, непристрасна и демократска држава.Алијансата за Албанците и јас како нејзин претседавач, остануваме доверлив и лојален партнер на Соединетите Држави, споделувајќи ги заедничките вредности на демократијата, слободата и градењето на владеењето на правото“, напиша Села.