Села: Бугарија има територијални претензии кон Македонија
Бугарија се уште има територијални претензии кон Северна Македонија, вели лидерот на АА, Зијадин Села за ТВ21, додавајќи дека политичките случувања во регионот, под превезот на евроинтегративните преговори, ја враќаат темата на почетокот на 20 век.
„Темата што ја отвори Бугарија во последно време, со неприфаќање на македонскиот идентитет и јазик, од моја гледна точка, тоа што не се кажува во овој случај, е дека Бугарија и натаму има територијални претензии кон Македонија“, вели Зијадин Села.
Села исто така рече дека спорот Скопје-Софија, во основа го содржи прашањето за неколку историски ликови, но проблемот е поголем од тоа, а албанскиот политички фактор воопшто не учествува на теми од ваква важност.