Индонезија најверојатно ќе донесе нов контроверзен кривичен закон со кој ќе го криминализира консенсуалниот се*с надвор од бракот и ефективно ќе ги забрани истополовите врски. Овој чекор кој наиде на силни критики од групите кои се борат за човечки права, сметајќи го за повреда на освновните човекови права и слободи, објави Си-ен-ен.

Овие законски промени, кои исто така ќе вклучат и казни за навреда на претседателот, се очекува да стапат на сила веќе следната недела, откако владата на Индонезија вчера го прифатила предлогот.

„Human Rights Watch“ истакна дека овие нови закони се „катастрофални, не само за жените, религиозните и сексуалните малцинства, туку за сите Индонезијци“ и ги повика пратениците да ги повлечат контроверзните промени.

Индонезија го има наголемото мнозинство на граѓани од муслиманска вероисповед, но се гордее поради фактот што е толерантна нација со мешавина од етникуми и религии. Но, како што констатира Си-ен-ен, во изминатиот период, во земјата се појавува зголемена нетолеранција против религиските и сексуалните малцинства од зголемената бројка на религиски конзервативци.