Секој кој може да работи од дома, апелира Филипче
Министерот за здравство, Венко Филипче во вечерашното гостување на телевизија Канал 5 упати апел секој кој може во наредниот период да работи од дома.
-Секој кој може да работи од дома, да ги извршува своите работни обврски од дистанца, секој кој може така да го организира животот, е добро тоа да го прави во наредниот период. Голем број компании им дозволија на своите вработени да работат од дома. Така ги штитат и своите вработени, а и своите бизниси. Исто така, придонесуваат и за заштитување на здравствениот систем, рече Филипче.
Филипче потенцираше дека состојбата со коронавирусот кај нас е стабилна и ситуацијата е под контрола.
-МВР во изминатиот период мораше поинтензицно да работи на терен, се прекршуваа протоколите и мерките. Мора граѓаните да се свесни дека овие мерки мора да се почитуваат, да се почитуваат протоколите, во спротивно тоа е сериозно загрозување на здравјето на граѓаните- истакна Филипче.