Претседателот на институтот за светска економија, Габриел Фелбермајер, очекува поради вирусот секој поединец во Германија да биде посиромашен за 2.600 евра.

– Доколку прогнозата на владата се испостави како точна, тогаш кризата секој Германец, вклучувајќи ги тука и децата и старите лица, ќе го чини по 2.600 евра по лице, вели Фелбермајер.

Тој укажува и на тоа дека овој износ би можел да порасне и до 3.500 евра, доколку ситуацијата тргне во лоша насока.

Всушност, за разлика од германската влада, која проценува дека економијата ќе биде изложена на пад од 6,3 отсто, Фелбермајер прогнозира минус од повеќе од 10 проценти, доколку дојде до воведување нови рестрикции поради вирусот.

– Мораме сериозно да ја сфатиме економската димензија на кризата, предупредува тој.