Џејми Оливер, или „Голиот готвач“, на својот Инстаграм профил откри одличен совет што да додадете во секое јадење за посебен и побогат вкус…

Познатиот британски готвач сподели интересен трик пред своите бројни обожаватели на Инстаграм. Ова е толку едноставен совет што вреди да се проба.

Во последната епизода од неговата емисија посветена на италијанската кујна на Канал 4, Џејми подготви вкусен слатко-кисел сос во комбинација на ракчиња и туна со тестенини од кој и преку екраните ќе ве „заскокотка“ апетитот.

Овој рецепт е посебно вкусен благодарение на еден едноставен трик. Трикот се крие во исечениот кромид, кој пред да го зготви го мие темелно со вода.

Така кромидот добива поблаг вкус и е помек, a секое јадење добива специфичен вкус без да преовлада природната јачина на кромидот. Подготовката на кромидот на овој начин е одлична доколку сакате да го комбинирате во некој сос.

Трикот го открива на своите 8,3 милиони обожаватели на Инстаграм, а сподели дека го превземал од познат италијански готвач и негов добар пријател.